ЧАНАРЫН МЕНЕЖМЕНТИЙН ТОГТОЛЦООНЫ СТАНДАРТЫН ТАЛААР СУРГАЛТ ЗОХИОН БАЙГУУЛЛАА
2026 оны 3 дугаар сарын 13-ны өдөр Менежмэнт ба ур чадварын хүрээлэнгийн захирал Т.Мөнгөнбөгж хэлтсийн албан хаагчдад зориулан сургалт, мэдээлэл өгч ажиллалаа.
Тус сургалтын хүрээнд олон улсын чанарын менежментийн тогтолцооны стандарт нэвтрүүлэх зөвлөх үйлчилгээтэй холбоотой дараах сэдвүүдийг танилцууллаа. Үүнд:
ISO 9001:2015 – Чанарын менежментийн тогтолцооны стандарт
MNS 7068:2025 – “Төрийн албаны үйл ажиллагаанд тавих ерөнхий шаардлага” стандарт
Сургалтын үеэр байгууллагын үйл ажиллагаанд чанарын менежментийн тогтолцоог нэвтрүүлэхийн ач холбогдол, стандартын үндсэн шаардлага, хэрэгжилтийн арга зүйн талаар дэлгэрэнгүй мэдээлэл өгч, албан хаагчдын мэдлэг, ойлголтыг нэмэгдүүллээ.
Энэхүү сургалт нь байгууллагын үйл ажиллагааны чанар, үр нөлөөг дээшлүүлэх, олон улсын болон үндэсний стандартын шаардлагад нийцүүлэн ажиллах нөхцөлийг бүрдүүлэхэд чухал ач холбогдолтой юм.
