Монгол Улсын Ерөнхий сайдын ивээл дор 23 дахь жилдээ зохион байгуулагдаж байгаа "Монгол Улсын Иргэний Андгай Өргөх Ёслол"-ын арга хэмжээ Өмнөговь аймгийн хэмжээнд зохион байгуулагдлаа. Энэ жил Өмнөговь аймагт 16 нас хүрсэн 1493 хүүхэд байгаагаас иргэний андгай өргөх хүүхдүүдийн төлөөлөл Даланзадгад сумын 250 хүүхэд өнөөдөр Монгол Улсын Иргэний Андгай өргөлөө. Мөн Цогтцэций Баяндалай Гурвантэс сумдад амьдарч байгаа 16 нас хүрч буй 241 хүүхдийн Иргэний Андгай Өргөх Ёслолыг сумын Засаг даргын Тамгын газар, Залуучуудын хөгжлийн төв холбогдох байгууллагууд хамтран зохион байгуулж ажиллалаа.
