Өмнөговь аймаг дахь Улсын бүртгэлийн хэлтсийн хамт олон 2013 оноос эхлэн хэлтсийнхээ хашаанд мод тарин, тарьсан моддоо арчлан ургуулсан нь "Бяцхан төгөл" болсон билээ.
Даланзадгад хотдоо өнгө үзэмж нэмсэн 200 гаруй мод Улсын бүртгэлийн хэлтсийн хашаанд байгааг Өмнөговь аймгийн Цагдаагийн газраас онцлон "БАЙГАЛИА БҮТЭЭГЧ ХАМТ ОЛОН" хэмээн тодорхойллоо.
Монгол Улсын Ерөнхийлөгчийн санаачилсан "Тэрбум мод" үндэсний хөдөлгөөний хүрээнд тус цагдаагийн газраас "Байгалиа бүтээе" арга хэмжээг зохион байгуулж байгаа бөгөөд, тус арга хэмжээнд Өмнөговь аймаг дахь Улсын бүртгэлийн хэлтсийн хамт олон хамрагдаж оногдсон газартаа 50 орчим модыг тарьсан билээ.
