Өмнөговь аймаг дахь Улсын бүртгэлийн хэлтсийн албан хаагчид 2021 оны 12 дугаар сарын 24-ны өдөр "Баярын хурал"-аа зохион байгуулж, 2021 оны амжилт бүтээлээ дүгнэж, тэргүүний албан хаагчдаа шагнаж урамшууллаа.
Өмнөговь аймгийн удирдлагын баг хамт олны дэмжлэгээр "Цахим Өмнөговь" төслийн хүрээнд техник, тоног төхөөрөмжийн шинэчлэлт хийгдэж, улсын бүртгэгч нарт албан хэрэгцээнд шаардлагатай тоног төхөөрөмжүүд хангагдсанаас гадна улсын хэмжээнд Улсын бүртгэлийн цахим үйлчилгээ үзүүлэх КИОСК машинтай болсон анхны бүртгэлийн хэлтэс боллоо.
Даланзадгад сумын удирдлагын баг хамт олны дэмжлэгээр "Иргэдийн дараалал зохицуулах цахим систем"-тэй болж, улсын бүртгэлийн үйлчилгээ авах гэж буй иргэд үйлчилгээний танхимд дараалалд зогсох шаардлагагүйгээр үйлчилгээ авах боломжтой болсон нь дэлхий нийтийг хамраад буй шинэ төрлийн коронавирусын тархалттай энэ үед нэн чухал ажил боллоо.
Улсын бүртгэлийн ерөнхий газар болон БНСУ-ын олон улсын хамтын ажиллагааны КОЙКА төслийн хүрээнд хийгдсэн тоног төхөөрөмжийн шинэчлэлт нь сумын улсын бүртгэгч нарын ажиллах нөхцөлд бодит дэмжлэг болсон ажил байлаа.
Улсын бүртгэлийн бүртгэлийн түүхт 81 жилийн ойн арга хэмжээний хүрээнд Улсын бүртгэлийн ерөнхий газраас зохион байгуулсан Спортын тэмцээнд Төвийн бүсийн төлөөлөлд оролцож, 1 алт, 2 хүрэл медаль авч, амжилттай оролцсон.
2021 оны ажил үйлчилгээ, идэвхи санаачлагаараа бусдыгаа манлайлсан шилдэг албан хаагчиддаа шагнал гардуулав.
2021 оны "Тэргүүний албан хаагч"-аар Манлай сумын улсын бүртгэгч Ч.Агиймаа тодорлоо.
