Өмнөговь аймгийн Засаг даргын 2020 оны 11 дүгээр сарын 11-ний өдрийн дугаар А/1353 тоот захирамжаар:
Коронавируст халдвар (COVID-19) цар тахлаас урьдчилан сэргийлэх зорилгоор бүх шатны боловсролын байгууллага, сургалтын төвийг үйл ажиллагааг аймгийн хэмжээнд 2020 оны 11 дүгээр сарын 11-ний өдрийн 13:00 цагаас эхлэн 2020 оны 11 дүгээр сарын 14-ний өдрийг хүртэл түр хугацаагаар зогсоох.
Аймгийн хэмжээнд үзвэр үйлчилгээний байгууллагуудын болон олон нийтийг хамарсан хурал, цуглаан, сургалт, спорт, бусад төрлийн тэмцээн уралдаан, соёл урлаг, фитнесс клуб, кино театр, цахим болон бага насны хүүхдийн төрөл бүрийн тоглоомын газрын үйл ажиллагааг түр зогсоох.
Өмнөговь аймгийн Засаг даргын 2020 оны 11 дүгээр сарын 11-ний өдрийн дугаар А/1354 тоот захирамжаар:
Коронавируст халдвар (COVID-19) цар тахлаас урьдчилан сэргийлэх зорилгоор аймгийн хэмжээнд согтууруулах ундаа худалдах, түүгээр үйлчлэхийг 2020 оны 11 дүгээр сарын 11-ний өдрийн 13:00 цагаас эхлэн 2020 оны 11 дүгээр сарын 14-ний өдрийг хүртэл түр хугацаагаар хориглох тухай заасан байна.
