Өмнөговь аймгийн Засаг даргын 2020-2024 оны үйл ажиллагааны "Нутгийн хишиг" хөтөлбөр.
"Явуулын оффис" - "Улсын бүртгэлийн нэг цэгийн үйлчилгээ"
2024 оны 01 дүгээр сарын 21, 22-ны өдрүүдэд шинээр байгуулагдсан "Чандмань" 9-р баг, Начин 10-р багийн иргэдэд зориулж "Нэг цэгийн үйлчилгээ" зохион байгууллаа.
01 дүгээр сарын 21-ний өдөр "Чандмань" 9-р багийн иргэдэд зоруилан Төрийн нэгдсэн үйлчилгээний төвд зохион байгуулсан бол 01 дүгээр сарын 22-ны өдөр Хөгжимт жүжгийн театрт "Начин" 10-р багийн иргэддээ үйлчилгээ үзүүлж ажиллалаа.
Уг арга хэмжээг төлөвлөгөөт хуваарийн дагуу 02 дугаар сарын 24, 25-ны өдрүүдэд дахин зохион байгуулах болно.
Хамтран зохион байгуулсан Өмнөговь аймгийн Засаг даргын тамгын газар болон Өмнөговь аймгийн Газрын харилцаа, барилга, хот байгуулалтын газрын хамт олондоо талархал илэрхийлэе.
